9 Ekonomalaš ja hálddahuslaš váikkuhusat

Ráđđehus áigu ovddidit sámi álbmoga álbmotdearvvašvuođa ja eallindiliid. Dát stuorradiggedieđáhus válddaha máŋga doaibmabiju mat leat jo čielggaduvvon ja álggahuvvon. Doaibmabijuid mat válddahuvvojit dán dieđáhusas, lea vejolaš čađahit gustojeaddji bušeahttarámmain.

Ráđđehus dovddasta ahte álbmotdearvvašvuođapolitihkas dán rádjai ii leat leamaš čielga sámi perspektiiva ja áigu váldit mielde sámi perspektiivvaid álbmotdearvvašvuođapolitihkkii dás dohko. Das lea mearkkašupmi dasa mo doaibmabijut lágiduvvojit.

Duohtavuođa ja soabadankommišuvnna raporta lea geavahuvvon máhttovuođđun dán stuorradiggedieđáhussii. Kommišuvnna doaibmabidjoevttohusat eai leat árvvoštallojuvvon dán vuoru.

Ráđđehus áigu máhccat ruovttoluotta vejolaš ođđa doaibmabijuid ekonomalaš váikkuhusaide juohke jagi dábálaš bušeahttaproseassain. Nu sáhttá Stuorradiggi árvvoštallat doaibmabijuid dađistaga plánaáigodagas.

Dieđáhusa čatnaseapmi gielddalaš, hálddahuslaš ja politihkalaš orgánaide lea čađaheami ja ulbmilolahusa guovddážis. Dearvvašvuođa- ja fuolahusdepartemeanta ja Gielda- ja guovlodepartemeanta, oktiiordnejeaddji departemeantan, áigot jaotkevaččat čuovvulit dieđáhusa doaibmabijuid ovdáneami ja stáhtusa. Dieđáhusa stáhtus ja ovdáneapmi ovdanbiddjojuvvojit jagi 2027 álbmotdearvvašvuođadieđáhusas.

Máŋgga evttohuvvon doaibmabijus leat positiiva servodatekonomalaš váikkuhusat. Dat leat dattetge dakkár vuoittut maid loguid lea váttis meroštallat dainna máhttovuođuin mii mis lea dál.