1 Samandrag

Under programområde 02 Utanriksforvaltning blir det gjort framlegg om å redusere løyvingane med netto 779 mill. kroner. Reduksjonen har samanheng med 740 mill. kroner i mindre utgifter under EØS-finansieringsordningane (kap. 117) og 42 mill. kroner i mindre utgifter til kontingentar for norsk medlemskap i internasjonale organisasjonar (kap. 116).

Under programområde 03 Internasjonal bistand blir det gjort framlegg om å auke enkelte postar med til saman 292,6 mill. kroner og redusere andre postar tilsvarande. Nye overslag viser at ODA-godkjende flyktningutgifter i Noreg blir 99,6 mill. kroner lågare enn budsjettert for 2019. Mindreutgiftene blir i denne proposisjonen foreslått omdisponerte til m.a. humanitær hjelp, klima og miljø, helse, utdanning og hjelp til sårbare statar og regionar.