Nuoraiddási strategiija: Mokta ja nákca vai buorebut oahppá

Oahpaheaddjiáŋgiruššamiin – ovttas máhttoskuvlla ovdii (Lærerløftet – På lag for kunnskapsskolen) nammasaš strategiijas lea ráđđehus buktán ovdan máŋga iešguđet doaimma máhttoskuvlla nannema várás. Muhtun guovddáš álgagat leat ahte bidjat eanet návccaid lassi- ja viidásetohppui ja skuvlavuđot ovddidandoaimmaide. Vaikko ovttaskas oahpaheaddjit leat mearrideaddjin, de ii leat dat dattege doarvái. Mis fertejit maiddái leat skuvlajođiheaddjit geat háhket buori birrasa máhttojuogadeapmái ja ovttasbargui, ja gielddat ja fylkkat mat deattuhit kvalitehta iežaset skuvllain. Buriid oahpaheddjiid, skuvlajođiheddjiid ja skuvlaeaiggádiid ovttasdoaibma lea čoavdda lihkostuvvamii.

Ráđđehus doarju ahte buot skuvllat šaddet skuvlejeaddji organisašuvdnan, muhto buriid joavkkuid huksen ferte dahkkot báikkálaš dásis. Nuoraidceahki ovddideapmi lea mávssolaš našuvnnalaš doaibma – sihke buriid joavkkuid huksema várás ja ohppiid vuođđogálggaid nannema várás.

Mii leat bures boahtán johtui Nuoraidceahki ovddideami strategiija čađahemiin. Áŋgiruššan álggahuvvui 2012:s, ja skuvllat main leat nuoraidceahkit galget čađahan áŋgiruššama ovdal 2017 čavčča.

Nuoraiddási strategiija.pdf