2,8 miljárdda ruvdno bire- ja guovlopolitihkkii

Ráđđehus árvala 2011:s juolludit sullii 2,8 miljárdda ruvnno bire- ja guovlopolitihkkii. Dát lea váile 100 miljovnna ruvnno lassáneapmi 2010 rájes.

- Mii árvalat nannet guokte dehálaš suorggi. Vuosttažettiin mii bidjat eanet návccaid dasa ahte ásahit geasuheaddji báikkálaš servodagaid miehta riika. Dasto mii áigut ain buorebut láhččet vejolašvuođaid olbmuide álggahit ođđa fitnodagaid ja ovddidit dálá fitnodagaid, dadjá gielda- ja guovloministtar Liv Signe Navarsete.

Bire- ja guovlopolitihka bakte háliida ráđđehus váldit atnui valljodagaid miehta riika, ja nu láhččet árvoháhkama, bargosajiid ja čálggu doppe gos olbmot orrot.

Fylkkasuohkanat hálddašit birrasiid 2,3 miljárdda ruvnno dahje oktiibuot váile 80 proseanta dain ruđain mat juolluduvvojit bire- ja guovlopolitihkkii. Dát galgá ráhkkanahttit fylkkasuohkaniid čađaheames guovlulaš ovdánahttinbargguid, ovttasráđiid Innovašuvnna Norggain, suohkaniiguin ja eará oassálastiiguin.

- 2011 stáhtabušeahtta lea doarjjan nana álggahanáigumuššii ja searvandáhttui man vásihit miehta riika. Mun lea earenoamáš ilus go beasan juolludit eanet ruđaid doaibmabijuide mat gusket nuoraide ja hutkáivuhtii, ja Innovašuvdna Norgga bargui nuorra fitnodatálggaheddjiiguin ja organisašuvnnain Nuorra Ealáhushutkkus, dadjá Liv Signe Navarsete.

Ovdamearkkat makkár doaibmabijuide lasihuvvojit doarjagat 2011:

Geasuheaddji báikegottit

• Orrunmiella: Gielda- ja guovlodepartemeanta árvala 2011:s juolludit 47 miljovnna ruvnno til Orrunmiella prográmmii. Dát lea miljovnna ruvnno lassáneapmi 2010 ektui. Prográmma galgá doarjut báikkálaš ja guovlulaš ovdánahttinprošeavtta man ulbmiliin lea ovddidit orrunmiela miehta riika, ja láhččet ođđa dieđuid dan birra mii vuolggaha orrunmiela.
• Suohkanlaš ealáhusfoanddat: Gielda- ja guovlodepartemeanta lea ráddjen 225 miljovnna ruvnno suohkanlaš dahje guovlulaš ealáhusfoanddaide 2011:s. Dát lea 50 miljovnna ruvnno eanet go 2010:s.  Ealáhusfoanda galgá dagahit ahte suohkanat ja guovllut buorebut sáhttát láhččet vejolašvuođaid olahit árvoháhkama ja barggahusa.

Ealáhushutkkus ja fitnodatovdánahttin

• Nuorra fitnodatálggaheaddji: Gielda- ja guovlodepartemeanta lea bušehteren atnit 17 miljovnna ruvnno ealáhushutkosii ja nuoraide Innovašuvdna Norgga bakte 2011.s. Dát  lea 5 miljovnna ruvnno lassáneapmi 2011 rájes. Ruđat galget earret eará adnot nuorra fitnodatálggaheddjiid bagadallamii.
• Nuorra Ealáhushutkkus: Gielda- ja guovlodepartemeanta áigu 2011:s juolludit 11 miljovnna ruvnno organisašuvdnii Nuorra Ealáhushutkkus (Ungt Entreprenørskap (UE). Dát lea 2 miljovnna ruvnno lassáneapmi 2010 rájes. UE bargá addimis ohppiide ja studeanttaide fálaldaga oahppat ealáhushutkosa birra.
• Fitnodatfierpmádat: Gielda- ja guovlodepartemeanta árvala 2011 juolludit 10 miljovnna ruvnno Innovašuvdna Norgga bálvalussii Fitnodatfierpmádat. Dát lea 5 miljovnna eanet go 2010:s. Bálvalus galgá veahkehit smávva ja gaskasturrosaš fitnodagaid ásaheames gávppálaš ja geatnegahtti ovttasbarggu eará fitnodagaiguin.
• Ealáhusguovddášprográmma: Gielda- ja guovlodepartemeanta áigumuš lea ahte 2011:s juolluduvvo 25 miljovnna ruvnno ealáhusguovddášprošektii. Dát lea 5 miljovnna ruvnno lassáneapmi 2010 ektui. Prográmma áigumuš lea ovdánahttimis ođđa bargosajiid máhttovuođustuvvon ealáhusain guovlluin. Ođđa prográmmaáigodat álggahuvvo 2011 nuppi jahkebeali.

Čujuhusat

• GGD bušeahttasiidu.

Gielda- ja guovlodepartemeanta preassatelefovdna: 22 24 25 00.