Ole Henrik Krat Bjørkholt nammaduvvui stáhtačállin Dearvvašvuođa- ja fuolahusdepartemeanttas golggotmánu 22. beaivvi 2021:s. Bjørkholt lea spesialista dábálašmedisiinnas, lea bargan fástadoavttirin ja psykiatriijas, ja lea dál spesialisereme servodatmedisiinnas. Son lea jođihan Tønsberga dábálašdoavtterbálvalusa ja lea leamašan veahkkefylkadoavttir Oslos ja Vikenis. Son lea maid leamašan luohttámušválljejuvvon doavttersearvvis Legeforeningen. Bjørkholt orru Drammen suohkanis, gos sus maid leat leamašan báikkálašpolitihkalaš áirrasdoaimmat Bargiidbellodagas.