Spiehkasteamit erremii ja riikii boahtimii: Njuolggadusat mat gustojit go boađát Norgii

Ráđđehus rávve ain buohkaid garvit olgoriikka mátkkiid, ja dat guoská maid sidjiide  geat eai dárbbaš mannat erremii go Norgii bohtet. Dan dahkat hehttet dávdda njoammumis olgoriikkas Norgii. Rávvagat gustojit suoidnemánu 1.beaivvi 2021 rádjai.  

Lea hui dehálaš ahte buohkat geat vulget mátkkoštit dihtet makkár njuolggadusat gustojit go Norgii fas bohtet. Buohkat berrejit maid diehtit makkár njuolggadusat gustojit dan riikkas gosa leat mannamin. Sihke njoammundilli ja báikkálaš ráddjehusat sáhttet johtilit rievdaduvvot.    

Mátkkošteaddjit fertejit rehkenastit ahte rájá alde sáhttet leat ollu olbmot ja guhkes vuordináigi.   

Boahkuhuvvon olbmot ja sii geain lea leamaš koronadávda maŋimuš guđa mánus:
Olbmot geat sáhttet čájehit koronaduođaštusa mas duođaštuvvo ahte sii leat ollásit boahkuhuvvon dahje ahte sis lea leamaš koronadávda maŋimuš guđa mánus, eai dárbbaš mátkkoštanerremii bearjadaga geassemánu 11.b. diibmu 15.00 rájes. Dál álggos sáhttá dušše Norgga koronaduođaštusa verifiseret QR-kodain Norgga rájáin. Dat gusto dassái go EO- ja EES-guovlluid koronaduođaštus teknihkalaččat lea dohkkehuvvon geassemánu loahpageahčen.

Ollásit boahkuhuvvon olbmot ja sii geain lea leamaš koronadávda maŋimuš guđa  mánus eai ge dárbbaš čájehit duođaštusa ahte koronaiskkus lea negatiivva.  Iskkus ferte leat váldon 24 diimmu siste ovdal go Norgii boahtá, ja iskkus galgá váldojuvvot rájá alde.  

Váldonjuolggadus lea ahte buohkat galget válddihit iskosa go Norgii bohtet, maiddái sii geaidda mátkkoštanerren ii guoskka. Jos šaddet kapasitehtaváttisvuođat, de sáhttet rádjaeiseválddit mearridit ahte olbmot geat leat válddihan buot boahkuid dahje sii geat leat buohcan covid-19 dávdda, ja sáhttet dan duođaštit, eai dárbbaš válddihit iskosa rájá alde, muhto fertejit válddihit iskosa guovtti beaivvi siste maŋŋá go Norgii leat boahtán.

Dakkár vejolašvuohta dohkkehuvvo dušše kapasitehtaváttisvuođaid geažil, ja ii oktage sáhte ieš váldit iskosa ruovttus ovdalii go rájá alde. Dearvvašvuođadirektoráhta lea rádjabargiid várás ráhkadeamen bagadusa kapasitehtaváttisvuođaid  árvvoštallamii.   

Olbmot geat leat biddjon ruovttuerremii maŋŋil go leat čájehan negatiivva iskosa go Norgii bohte ja sii geat leat ožžon duođaštusa mii čájeha ahte sii leat ollásit boahkuhuvvon dahje buohcan covid-19 dávdda, eai dárbbaš mannat erremii geassemánu 11.beaivvi diibmu 15.00 rájes.

Ollásit boahkuhuvvon olbmot:

 

1. olbmot geat leat ožžon guokte boahku, ja sii leat suddjejuvvon dávdda vuostá vahku maŋŋil maŋimuš boahku

2. Jos dohkkehuvvon laboratoria iskanvugiin čájehit positiivva SARS-CoV-2, ja dasto ožžot ovtta dosa boahku unnimus 3 vahku geahččalanbeaivvi maŋŋil, ja sii leat  suddjejuvvon vahku maŋŋil boahkuheami

3. Leat ožžon 1.boahku, ja dohkkehuvvon laboratoria iskanvugiin čájehit positiivva SARS-CoV-2 maŋimuš 3 vahku maŋŋil boahkuheami, ja leat sirremis.

Jos lea leamaš coronadávda: lea leamaš covid-19 sirrema rájes 6 mánu rádjai iskkadeami dáhtona rájes. 

Olbmot geat leat ožžon ovtta boahkkodosa
Spiehkasteamit riikii boahtima errennjuolggadusaide eai gusto olbmuide geat leat ožžon dušše ovtta boahkkodosa.

Oaniduvvon riikii boahtima errennjuolggadusat sin ektui geat leat ožžon vuosttaš boahkkodosa ja mánát vuollel 12 jagi
Mánát ja vuollel 18 jahkásaš nuorat eai dárbbaš mannat erremii go Norgii bohtet, jos PCR-iskkus čájeha negatiivva bohtosa.

Seamma guoská olbmuide geat leat boahkuhuvvon oktii, ja lea vássán 3-15 vahku das rájes go sii ožžo boahkuid. Das eaktuduvvo ahte sis lea Norgga koronaduođaštus.

Errenhotealla
Buohkat geat bohtet Norgii galget mátkkoštanerremii, ja sii galget dábálaččat orrut errenhoteallas, olles áiggi dahje muhtun áiggi.  Jos boađát riikkas olggobealde EES/Schengen guovllu ja Stuora Britannias, de galggat olles errenáiggi orrut errenhoteallas. Loga errenhotealla dieđuid dáppe. (liŋka girjegiella)

 Registrerenskovvi
Váldonjuolggadus lea ahte buohkat geat bohtet Norgii, maiddái sii geat ollásit leat boahkuhuvvon, ja sii geain lea leamaš covid-19 ja sii geain lea koronaduođaštus, galget deavdit registrerenskovi go bohtet Norgii.

Plána máhccat dábálaš doaibmamii
Ráđđehus áigu servodaga máhcahit dábálaš doaibmamii dásiid mielde, ja dat eaktuda ahte mii nagodit kontrolleret njoammuma ja oažžut bohtosiid. Plána, man mielde  servodat galgá máhccat dábálaš doaibmamii sisttisdoallá njeallje dási. Maŋimuš dásis čilgejuvvojit mátkkit olgoriikii. Njealját dásis leat joavdan dábálaš doaibmadássái. Ain lea áigeguovdil joatkit mátkkoštanráddjehusaid, ja dat guoská erenoamážit mátkkošteddjiide geat bohtet riikkain olggobealde EES-guovllu. Mátkkošteaddjit fertejit rehkenastit ahte muhtun guovllut gáibidit mannat erremii ja válddihit iskosa.  Plána doaibmadásit ja mátkkoštannjuolggadusat árvvoštallojuvvojit njoammunleavvama ektui ja dan ektui mo boahkuheapmi ovdána. Servodat máhcahuvvo dábálaš doaibmamii dieđuid vuođul, ii ge mearriduvvon beivviid.

Ráđđehusa plána máhccat dábálaš doaibmamii