Stáhtaministtar dieđiha luohpama Stuoradiggái maŋŋebárgga
Historjjálaš arkiiva
Almmustahttináigodat Solberga ráđđehus
Almmustahtti: Stáhtaministara kantuvra
Preassadieđáhus | Nr: 125/21 | Almmustahtton: 11.10.2021 | Maŋimuš ođasmahttojuvvon: 12.10.2021
Stáhtaministtar Erna Solberg áigu finánsasártni maŋŋil Stuoradikkis golggotmánu 12.beaivvi bivdit sáni ja dieđihit ahte su ráđđehus ohcá gudnin heaitit.
Ráđđehusa luohpanohcamus geigejuvvo stáhtaráđđái Šloahtas maŋŋebargga golggotmánu 12.beaivvi dii. 13.00. Preassačoahkkin ii lágiduvvo Šloahta luhtte stáhtaráđđečoahkkima maŋŋil. Dat lágiduvvo ráđđehusmolsuma oktavuođas. Govat stáhtaráđđečoahkkimis leat fidnemis gonagaslaš hoavas, NTB bokte mas lea govvenšiehtadus.
Maŋŋebárgga dii. 15.00 lágida stáhtaministtar preassakonfereanssa luohpanohcamuša ja ráđđehusmolsuma birra, Ráđđehusa ovddastusviesu preassalanjas. Preassa lea rabas sidjiide geain lea dohkálaš ID, ja dat lágiduvvo Riddevoldsgate 2 nammasaš čujuhusas dii. 14.30 rájes.
Maŋŋil, maŋŋebárgga golggotmánu 12.beaivvi almmuhat dárkileappot preassadieđáhusa ráđđehusmolsumis.
Preassagulahallanolbmot leat stáhtačálli Rune Alstadsæter, telefovdna 91 55 84 19, e-poasta ral@smk.dep.no ja fágadirektevra Tor Borgersen, telefovdna 90 93 89 87, e-poasta tab@smk.dep.no.