Váhnengeasus loktejuvvo

-Váhnengessosa ulbmil lea geahpedit mánnágeahču ja divššu guluid ja láhčit váhnemiidda buori vuođu bargat go mánát leat unnit. Mii vásihat ahte ollu mánát bajásšaddet funet birgejeaddji bearrašiin. Váhnengessosa viiddideapmi galgá geahpedit bearraša goluid mánnágehččui ja dikšui, daid arenain gos duhkoraddan ja oahppan lea dehálaš, nu go mánáidgárddis ja SFO:s, dadjá ruhtadanministtar Jan Tore Sanner (O).   

Váhnengeasus addojuvvo vuollel 12 jahkásaš mánáid geahču ja divssu goluid várás. Jagi 2021 addojuvvo 25 000 ruvnnu sturrosaš geasus vuosttaš máná ovddas ja dasto 15 000 ruvnnu juohke mánnái maŋŋil. Geasus addojuvvo maiddái badjel 12 jahkásaš mánáid ovddas, jos sis leat erenoamáš fuolahusdárbbut. Geasus galgá mieđihuvvot gokčat goluid mánáidgárdái, skuvlaastoáiggeortnegii (SFO) ja mánnágeahččái, ja goluid valáštallanservviide ja hárjehallanservviide mat lágidit astoáiggedoaimmaid.      

-Ráđđehus lea guhká bargan geahpedit mánnábearrašiid goluid. Mii leat earret eará ásahan ortnegiid vuolidan dihte váhnenmávssu ja nuvttá váimmusáiggi mánáidgárdái ja SFO:i. Dál mii loktet váhnengessosa. Lassi váhnengeasus lea mielde nannemin smávvamánnábearrašiid ekonomiija, dadjá ruhtadanministtar.

Ráđđehus evttoha heaittihit váhnengessosa guokte submeráji ja dan sadjái ásahit ovtta submeráji juohke mánnái. Váhnengessosa lassáneapmi mielddisbuktá sullii 2 200 ruvnno sturrosaš vearrogeahpádusa juohke máná ovddas, buohtastahttojuvvon 2021 njuolggadusaid ektui. Rievdadeapmi álkidahttá Vearroetáhta dárkkisteami ja váhnemiid, mánáidgárddiid ja astoáiggeortnegiid raporterengeatnegasvuođa.   

Loga eanet: Prop. 1 LS (2020–2021) Skatter, avgifter og toll 2021, čuokkis 3.17.