Nollalassiárvodivat suokkardalli journalistihkkii

– Áigečállosat ja fágapreassa leat mávssolaš divaštallan- ja ovdánahttingaskaoamit, erenoamážit áššiin mat gusket iešguđet ealáhussurggiide, fágasurggiide,  organisašuvnnaide ja sierraberoštumiide. Danne lea dehálaš ahte mii oažžut áigái lassiárvodivatnjuolggadusaid mat addet suokkardalli journalistihkkii vejolašvuođaid geavahit elektronalaš almmuhanvejolašvuođaid, dadjá kultur- ja dásseárvoministtar Abid Q. Raja.

Lassiárvodivatluvven elektronalaš áigečállagiin ja girjjiin fápmuduvvui suoidnemánu 1.beaivvi 2019. Ulbmil lei ahte prentejuvvon ja elektronalaš almmuheamit galget meannuduvvot ovtta láhkai. Seammás lei čielggas ahte lea álkit geavahit digitála reaidduid buvttadit ja dávjjibut ođasmahttit čállosiid go prentehusaid.  

Ráđđehus háliida ovddidit innovašuvnna, ja sihkkarastit ahte njuolggadusat eai ráddje suokkardalli journalistihka digitála ovdáneami. Ráđđehus lea bargan dan ovdii ahte  gávdnat luvvenráddjehusaid mat nannejit digitála reaidduid geavaheami buvttadeapmái ja almmuheapmái.  

Ráđđehus ovddida rievdadusevttohusa lassiárvodivatláhki, vai dat lea vejolaš. Evttohuvvo ahte aviissaid lassiárvodivatluvven galgá maid guoskat elektronalaš buvttademiide mat sisttisdollet suokkardalli ođđasiid ja áigeguovdilis áššiid. 

Provenyváikkuhus meroštallojuvvo sullii 25 miljovnna kruvdnui ja rehketdollui fievrriduvvon váikkuhus 15 miljovnna kruvdnui dán jagi, jos rievdadus fápmuduvvo suoidnemánu 1.beaivvi 2020. Provenyváikkuhus dáidá lassánit guhkit áigái.

Les mer om dybdejournalistikk på Skattedirektoratets nettside