7 milliuvnna ruvnna Gillekinoi 2018:s

Gillekino ruhtaduvvui gitta 2017 rádjái filbma- ja videográmmadivvaga bokte maid Film & Kino hálddašii. Gitta 2019 rádjái áigu departemeanta árvvoštallat Gillekino boahttevaš ruhtadeami ja organiserema. Dassái go leat mearridan mot dat šaddá, evttoha ráđđehus juolludit doaibmadoarjaga Gillekinoi seamma dási ektui nu go ovdal. Sullii guovtti goalmmádasoassi Gillekino doaimmas galgá ruhtaduvvot iežas sisaboađuiguin ee. bileahttasisaboađuiguin. 

– Stuora gehččiidolahusain 2016:s lea Gillekino čájehan ahte sin fálaldat ain lea áigeguovdil, vaikko eanet ahte eanet  gehččet filmmaid ruovttus. Lean danne ilus go sáhttit ruhtadit dan dál stáhtabušeahta bokte dassážii go leat mearridan Gillekino ruhtadeami ja organiserema guhkit áigái, lohká kulturministtar Linda Hofstad Helleland.