50 miljovnna kulturárbái

Ráđđehus evttoha geavahit 25 miljovnna kruvnna ođasmahttit museavisttiid ja 25 miljovnna kruvnna divodit girkuid. Doarjagat leat doaibmabidjopáhka oassin lassánan bargguhisvuođa vuostá osiin Mátta- ja Oarje-Norggas.

- Dát lea bušeahtta barggu, doaimma ja nuppástusaid várás. Lea stuorra dárbu divodit museaid, ja prošeavttat maidda evttohat doarjaga, váikkuha dasa, dadjá kulturministtar Linda Hofstad Helleland.

Doarjja museavisttiide galgá geavahuvvot hukset ođđa sáhtostanfatna Ole Bulla ruktui Lysøenis Osas, ja ođasmahttit Dalana Folkemuseuma, Jærmuseeta ja Hardanger ja Voss museuma museavisttiid.

- Ráđđehus vuoruha doaibmabijuid mat leat čadnon kulturárbbi seailluheapmái ja gaskkusteapmái. Min museat leat sihke máhtu ja searvevuođa dehálaš arenat, dadjá son.

Doarjja girkoprošeavttaide lea juhkkojuvvon Mandal girkui (Mandalas), Avaldsnes girkui (Karmøyas), Sørbø girkui (Rennesøyas), Vangskyrkjai (Vossas), Os girkui (Osas Hordalánddas), Bremsnes girkui (Averøyas), Hov girkui (Sunndalas), Åsskard girkui (Surnadalas) ja Sankt Jetmund girkui (Vanylvenis).

- Girkuid máđasatnin lea sakka bázahallan. Lean ilus go stáhta dál addá doarjaga mii sihkkarastá buori jođu soames dehálaš girkovisteprošeavttas, ja nu lea mielde eanet sihkkarastimin ráfáidahtton ja listui čállon girkuid, dadjá kulturministtar Linda Hofstad Helleland.