Bernt-Joacim Bentzen lea nammaduvvon Johtolatdepartemeantta stáhtačállin ođđajagimánu 16.b. 2023.

Son boahtá stáhtačállivirggis Suodjalusdepartemeanttas.  Ovdal lea son leamaš Nordlándda fylkkagieldda johtolat ja infrastruktuvrra fylkkaráđđi jagi 2019 rájes 2021 rádjai, Guovddášbellodaga stuoradiggejoavkku politihkalaš ráđđeaddin áigodagas 2018-2019 ja 9 jagi Suodjalusa vuolitoffisearan ja offisearan.

Militeara oahpu lassin lea son studeren stáhtadiehtaga NTNU:s ja dál son studere MBA jođihanfágaid (Master of Business Administration) Davvi universitehtas. Son lea várrelahttu Guovddášbellodaga váldostivrras.