Kultursuodjalusossodat

Kultur- ja dásseárvodepartemeanta

Kultursuodjalusossodagas lea ovddasvástádus giela, girjjálašvuođa, arkiivva, girjerádjosa, visuála dáidaga, kulturhuksehusaid, museaulbmiliid, vuoiŋŋalaš (immateriála) kulturárbbi, soahtehávdebálvalusa ja sámi áššiid ovddas. Ossodagas lea ovddasvástádus hálddašit Giellaráđi, Arkiivadoaimmahaga, Našunalgirjerádjosa, Norgga jietna- ja čuokkisčálagirjerádjosa, KORO (Dáidda almmolaš lanjas) ja Nidaros duopmogirku divodandoaimmaid.

Ossodaga čuovvovaš sekšuvnnat:

  • KV1

    Sekšuvnnas lea ovddasvástádus girjjálašvuođa, giela, sámi áššiid, našuvnnalaš minoritehtaid, kulturdávviriid sisa- ja olggosfievrredemiid ovddas ja lágas ovddas mat leat ossodaga ovddasvástádussuorggis: arkiivalága, giellalága, girjelága, addingeatnegasvuođalága, báikenammalága, girjerádjomáksolága, álbmotgirjerájuslága, dáiddadivatlága, kulturmuitolága § 23 ja hávdádanlága § 23a ovddas ja muhtun láhkaásahusaid ovddas. Sekšuvnnas lea etáhtastivrenovddasvástádus Giellaráđi ja Nidaros duopmogirku divodandoaimmaid ovddas.

  • KV2

    Sekšuvnna ovddasvástádusat leat arkiivvat, girjerádjosat, museat, visuála dáiddaovdanbuktimat, huksenáššit, kulturvisttit, soahtehávdebálvalus, vuoiŋŋalaš (immateriála) kulturárbi ja departemeantta dutkama ja ovdánahttima (FoU) koordineren. Sekšuvnnas lea maid ovddasvástádus Arkiivadoaimmahaga, Našunálagirjerádjosa ja KORO etáhtastivrema ovddas. Dasa lassin lea maid ovddasvástádus juolludemiid ovddas museaide ja iešguđetlágan doaibmabijuide govvadáiddasuorggis ja doarjagiid ovddas earret eará Nobel Ráfiguovddážii.