Opmodagaid hálddašanossodat

Opmodagaid hálddašanossodaga jođiha ekspedišuvdnahoavda Pål Haugerud. Ossodat ásahuvvui 2006 čavčča.

Opmodagaid hálddašanossodaga ovddasvástádus lea bargu maid Ruhtadandepartemeanta bargá Stáhta penšunfoandda oktavuođas. Stáhta penšunfondii gullet Stáhta Olgorit penšunfoanda (ovdalaš Stáhta petroleumfoanda) ja Stáhta penšunfoanda Norga. Lea Ruhtadandepartemeanta mii lea dáid foanddaid ovddasvástideaddji, ja doibmiibidjan hálddašanovddasvátádus lea delegerejuvvon Norgga Báŋkui ja Álbmotoadjofondii. Oktiibuot dien guovtti árvu lei sullii 1 600 milliárda ruvnno álggugeahčen 2006, ja vurdojuvvo ahte foanda stuorru oalle johtilit boahttevas jagiid. Opmodagaid hálddašanossodat ásahuvvui dan váste ahte nannet foanddaid hálddašeami, dat lea okta Ruhtadandepartemeantta guovddáš bargguin. Ossodaga bargun lea earet eará bargat foanddaid investerenstrategiijain, čuovvut Norgga Báŋkku ja Álbmotoadjofoandda hálddašanbargguid mat daidda leat delegerejuvvon ja čuovvut Stáhta Olgorit pensunfoandda etihkalaš njuolggadusaid. Ruhtadandepartemeantta áigumuš lea ahte Stáhta Penšunfoanddas galgá leat máilmmi buoremus hálddašeapmi.