Ossodagat
Bargo- ja searvadahttinministtar leat 6 ossodaga.
Preassa- ja gulahallanossodat gullá departemeantaráđi bargovehkii.
-
Bargomárkanossodat
Bargomárkanossodaga ovddasvástádus lea ovddidit bures doaibmi bargomárkana. Ossodaga ovddasvástádus lea politihkka ja gaskaoamit daid joavkkuid várás, main lea váttis dilli bargomárkanis, bargosisafárrennjuolggadusat ja sisaboahtopolitihkka.
-
Bargobiras- ja sihkarvuođaossodat
Bargobiras- ja sihkarvuođaossodaga ovddasvástádussuorgái gullá bargoriekti, bargobiras ja sihkarvuohta Norgga bargoeallimis, nannámis ja Norgga nannánjuolggis.
-
Bušeahtta- ja stivrenossodat
Bušeahtta- ja stivrenossodaga ovddasvástádus lea koordineret, kvaliteahtasihkkarastit ja čuovvulit departemeantta barggu stáhtabušeahtain, dutkan ja ovdánahttimiin, Riikkarevišuvnnain gulahallan, ovttadagaid gaskasaš doaimmat vuolit etáhtaid stivrema oktavuođas ja gulaskudaanáššit. Ossodagas lea maid ovddasvástádus Bargo- ja čálgoetáhta ja Oadjorievtti etáhtastivremis, departemeantta ekonomiijahálddašeames, suorggi servodatsihkarvuođas ja departemeantta siskkáldas plánemis ja stivremis.
-
Integrerenossodat
Integrerenossodat bargá integrerenpolitihkain olbmuid ektui main lea sisafárrejeaddji duogáš.
-
Penšuvdnaossodat
Penšuvdnaossodagas lea bajimuš ovddasvástádus penšuvdnapolitihkas, ja dasa gullevaš penšuvdnaođastusas.
-
Preassa- ja gulahallansekšuvdna
Preassa- ja gulahallansekšuvnna ovddasvástádussii gullet departemeantta gulahallanstrategiija, diehtojuohkindoaimmat ja mediagieđahallan. Sekšuvdna rávve njunušgotti gulahallangažaldagain, ja bargá lávgalagaid politihkalaš njunušgottiin ja departemeantta ossodagaiguin. Preassa- ja gulahallansekšuvdna lea sierra ovttadat departemeantaráđi stábas.
-
Stábaossodat
Stábaossodagas lea ovddasvástádus departemeantta organisašuvnnas ja oktasaš vuogádagain. Dasa gullá departemeantta organisašuvnna ovddideapmi, bargiidpolitihkka ja bargoaddidoaimmat. Ossodaga ovddasvástádussii gullet maid bargoproseassat, sihkarvuohta, dokumentašuvnna hálddašeapmi, áššemeannudan- ja kántordoarjjavuogádagat, ja kántordoarjjadoaimmat.
-
Čálgopolitihkalaš ossodat
Čálgopolitihkalaš ossodaga ovddasvástádus lea politihkka, mii laktása sisaboađuid sihkkarastimii buohcanruđain, bargočielggadandoarjagiin, bargonávccahisvuođaoajuin, dikšundoarjagiin ja álbmotoaju gaskaomiiguin, ekonomalaš sosiálavehkiin ja gealbudahttinprográmmain.