Loahpahit jeavddálaš iskama

-Dál leat ollugat njoammuduvvon korona njoammudávdii. Alla njoammunloguid geažil ii leat jeavddálaš iskangáibádusaš šat nu stuora váikkuhus. Danne rievdadat iskanstrategiija ja jeavddálaš iskangáibádus loahpahuvvo. Dál galget ovddimusat sii, geain leat dávdamearkkat iskkahit iežaset, dadjá dearvvašvuođa- ja fuolahusministtar Ingvilds Kjerkol.

Rievdadus lea erenoamáš dehálaš skuvllaide, mánáidgárddiide, allaskuvllaide ja universitehtaide, mat leat ávžžuhuvvon čađahit jeavddálaš koronaiskosiid dan geažil go gielddain lea leamaš nu alla njoammundeaddu ahte dat lea váikkuhan servodatdoaimmaide. Gielddat, gos badjel 2500 olbmo juohke 100 000 olbmos leat njoammuduvvon guoskevaš ahkejoavkkuin maŋimuš 14 beaivvi, leat maid ávžžuhuvvon čađahit jeavddálaš koronaiskosiid. 

Iskanstrategiija rievdadus dahkko Dearvvašvuođadirektoráhta ja Álbmotdearvvašvuođainstituhta ávžžuhusaid vuođul.

Dearvvašvuođadirektoráhta ja Álbmotdearvvašvuođainstituhtta leat ovttas addán gielddaide rávvagiid maid mielde sii galget vuoruhit iskosiid. Vuoruheami ortnetvuorru gusto ain. Deháleamos lea ahte sii, geain leat covid-19 dávdamearkkat buot ovddemusat besset iskkahit iežaset. Dasto vuoruhuvvojit sii, geat čuvvot iskannjuolggadusaid amas eai dárbbaš mannat erremii. 

Iskan-, isoleren-, njoammuma guorran- ja errenstrategiija (IINE, dárogillii TISK) rievdadus mearkkaša ahte ávžžuhus vuoruhit iskanávdnasiid čađahit jeavddálaš iskosiid fámohuhtto.   

-Dás duohko fertet mii buohkat váldit stuorit ovddasvástádusa, ja dat gusto maid iešiskosiid geavaheapmái. Iskosiid galgá geavahit dušše jos lea dárbu, ja vuosttažettiin jos leat dávdamearkkat, dadjá Kjerkol.

Son deattuha ahte, gielddat mat árvvoštallet geavahišgoahtit čavgadeabbo njoammuneastadandoaimmaid fertejit árvvoštallet ii go livčče buoremus fas ásahit jeavddálaš iskandoaimmaid.   

-Dehálaš mihttomearri lea ain ahte mánáid ja nuoraid suddjet čavga njoammuneastadandoaimmaid vuostá, dadjá Kjerkol.