Gáibádus boazodoallošiehtadussii lea biddjon ovdan
Ođas | Almmustahtton: 09.01.2023 | Eanadoallo- ja biebmodepartemeanta
Norgga boazosápmelaččaid riikkasearvi buvttii odne gáibádusas boazodoallošiehtadussii 2023/2024.
Boazodoalu váldošiehtadusa mielde šiehtadallet stáhta ja Norgga boazosápmelaččaid Riikkasearvi (NBR) jahkásaččat boazodoallošiehtadusa. Šiehtadallamat fátmmastit ekonomalaš doarjagiid olahan várás boazodoallopolitihka mihttomeriid.
NBR:a gáibádusa ekonomalaš rámma lea 259,7 milj. ruvnno. Dát lea 79,7 milj. ruvnno lassáneapmi go buohtastahttá dálá šiehtadusain.
NBR:a váldovuoruheamit lea lasihit njuolggo doarjagiid, ásahit ođđa dálkkádat- ja guohtundoarjagiid, lasihit Boazodoalu Ovddidanfoandda friddja ruđa, earret eará láhčin dihte infrastruktuvrra máŧasdoallama. NRL bivdá maiddái eahpedábálaš doarjaga buhtadan dihte 2022 lassigoluid. NBR áigu dasa lassin bidjat ruđa boazodoalu gearggusvuođafondii.
– NBR:a lea lasihan šiehtadusa ekonomalaš rámma arvat, ja leat evttohuvvon ođđa doarjjaortnegat. Seammás lea NBR váldán ovdan olu váttisvuođaid mat leat olggobealde šiehtadusa rámma. Danne lea šiehtadusain gáibideaddji vuolggasadji, muhto mus lea jáhkku ahte mis leat buorit šiehtadallamat maiddái dán jagi, lohká stáhta šiehtadallanjođiheaddji Viil Søyland.
