Konfereansa veahkaválddálašvuođa ja illasteami birra sámi servodagain, borgemánu 30.–31.b.2022
Ođas | Almmustahtton: 04.07.2022 | Justiisa- ja gearggusvuođadepartemeanta
Justiisa- ja gearggusvuođadepartemeanta bovde Sámedikkiin ovttas konferensii mas fáddán lea veahkaválddálašvuohta ja illasteapmi sámi servodagain. Konfereansa lágiduvvo Álttás, borgemánu 30. ja 31.b.2022.
Veahkaválddálašvuohta ja illasteapmi sámi servodagain lea hástalus maid sámi servodat ja norgga eiseválddit searvevuođas fertejit čoavdit. Konfereanssa fáttát leat earret eará veahkaválddálašvuohta ja seksuála illasteapmi eamiálbmotoktavuođas, ovttasbargovuogit ja ovttasbargoforum, gielddalaš ja regionála veahkkefálaldagat ja politiija rolla ja ovddasvástádus.
Sámediggeráđđi Runar Myrnes Balto ja Justiisa- ja gearggusvuođadepartemeantta stáhtačálli Hans-Petter Aasen rahpaba konfereanssa.
Áigemuddu: Maŋŋebárgga 30.08.2022 dii. 11.30 rájes gitta gaskavahkkui 31.08.2022 dii. 14.00
Báiki: Scandic hotealla, Áltá
Čuovu dán liŋkka jos háliidat eanet dieđuid ja dieđihit iežat konferensii:
https://sametinget.no/Kalender/CalendarEvent.aspx?Id=523&MId1=7
Konferensii leat sajit ráddjejuvvon, ja danne ávžžuhat buori áiggis dieđihit jos háliidat searvat dasa.