Gulaskuddan eriin muddejuvvon loddema birra Guovdageainnu suohkanis
Ođas | Almmustahtton: 30.01.2023 | Dálkkádat- ja birasdepartemeanta
Láhkaásahusevttohusas árvaluvvo ahte eriin muddejuvvon giđđalodden joatkašuvvá Guovdageainnu suohkanis. Das evttohit muhtun rievdadusaid, maiguin buorebut válddášedje vuhtii sámi árbevieruid. Giđđalodden joatkašuvvá, ja dainna váldet vuhtii sámi árbevieruid ja kultuvrra.
Dálkkádat- ja birasdepartemeanta sádde dábálaš gulaskuddamii molssaevttolaš láhkaásahusevttohusa Guovdageainnu suohkana giđđaloddema birra. Ovdal gulaskuddama leat ráđđádallan Sámedikkiin, Boarri-loddenservviin ja Sámi bivdo- ja meahcástanservviin, ja leat lágidan čoahkkimiid Guovdageainnu suohkaniin.
Gulaskuddamii sáhttá sáddet cealkámušaid ráđđehusa gulaskuddanvástádusaid skoviin. Jos leat teknihkalaš hástalusat, evttohusaide sáhttá bidjat referánsan 23/364, ja sáddet e-poasttain čujuhussii postmottak@kld.dep.no.
Cealkámušaid sáddema áigemearri lea sotnabeaivve guovvamánu 19. b. 2023.
Vuolábealde logahallojit gulaskuddaninstánssat. Gulaskuddaninstánssat berrejit árvvoštallat sáddejitgo dat ášši vuolit ossodagaide dahje daidda gullevaš fidnuide dahje ovttasbargoorganisašuvnnaide.
Buohkat geat sihtet, sáhttet sáddet cealkámušaid, vaikko eai livččege logahallojuvvon gulaskuddaninstánsan:
- Sámediggi
- Guovdageainnu suohkan
- Sámi bivdo- ja meahcástansearvi
- Boarri
- Romssa ja Finnmárkku stáhtahálddašeaddji
- Birdlife Norge
- Luonddugáhttenlihttu/Naturvernforbundet
- WWF-Norge
- SABIMA
- Norgga bivdiid ja guolásteddjiidlihttu/Norges Jeger- og fiskerforbund
- Romssa ja Finnmárkku fylkkagielda
- Gielda- ja guovlodepartemeanta
- Eanandoallo- ja biebmodepartemeanta
- Justiisadepartemeanta
- Ruhtadandepartemeanta
- Birasdirektoráhtta