Soahpamuš ođđa boazodoallošiehtadusa šiehtadallamiin
Ođas | Almmustahtton: 15.02.2023 | Maŋimuš ođasmahttojuvvon: 17.02.2023 | Eanadoallo- ja biebmodepartemeanta
Stáhta ja Norgga Boazosápmelaččaid Riikkasearvi leaba odne šaddan ovttaoaivilii 2023/2024 boazodoallošiehtadallamiin.
Proseantan lea dát 11,1 proseantta lassáneapmi dálá šiehtadusa ektui. Rámma lassáneapmi lea historjjálaš allat, ja deattuha ahte ráđđehus láhčá rámmaeavttuid nannema daidda boazoeaiggádiidda geain lea boazodoallu váldodoaibman.
Leat dát njuolggadoarjagat mat earenoamážit vuoruhuvvojit. Dát máksomearit bajiduvvojit: buvttadanbálkkašupmi, miessenjuovvandoarjja, orohatdoarjja ja erenoamáš doaibmadoarjja nissoniidda geain lea iežas siidaoassi. Oktiibuot lassánit njuolggadoarjagat 13,15 miljovnna ruvnnuin.
Eará vuoruheamit leat boazodoalloareálaid áimmahuššan, dálkkádatheiveheapmi ja gearggusvuohta, ja lassiealáhusat.
Šiehtadusbealit nannejit gearggusvuođafoandda hirbmadit sihke 2023:s ja 2024:s. Šiehtadusbealit áigot viidáseappot álggahit barggu geahčadit movt boazodoallu sáhttá hálddašit dálkkádatrievdamiid váikkuhusaid.
– Mun lea ilus go mii dál leat šiehttan šiehtadusa boazodoaluin mas lea alla ekonomalaš rámma. Šiehtadus veahkeha doarjut daid boazoeaiggádiid geain lea boazodoallu váldodoaibman, lohka eanandoallo- Ja biebmoministtar Sandra Borch.
- Boazodoallošiehtadus 2023_2024.pdf (norsk)
- Boazodoallošiehtadusa 2023-2024 loahpalaš čoahkkingirji.pdf (norsk)
Šiehtadusbealit leaba maiddái digaštallan muhtun dilálašvuođaid mat leat olggobealde boazodoallošiehtadusa rámmaid.
Norgga Boazosápmelaččaid Riikkasearvi lea ožžon dieđu ahte Eanandoallo- ja biebmodepartemeanta dál áigu álggahit barggu ollislaččat ođasmahttit 2007 boazodoallolága ja lea vásttolaš čađahit ja organiseret barggu. Dahkkojuvvo dábálaš láhkabargoproseassa mii viidát fátmmasta guoskkahuvvon oasálaččaid, dan vuolde Norgga Boazosápmelaččaid Riikkasearvi ja Sámediggi, maiguin ráđđádallo sámelága mearrádusaid mielde.
Sámedikki ja Norgga Boazosápmelaččaid Riikkasearvvi láhkalávdegotti bargu lea oassin dán láhkabargoproseassas.
Šiehtadusbealit leaba maiddái digaštallan álggahit dutkanprošeavtta gonagasgoaskima lojes bohccuid vahágahttima birra. Prošeavtta hábmen galgá ságastallot Norgga Boazosápmelaččaid Riikkaservviin, áigeguovdilis fylkaservviiguin ja Sámedikkiin, ja almmuhuvvo rabas fálaldatbuktinproseassa.
Vearru ja divat ii leat oassin šiehtadusas, muhto lea fárus váikkuheame boazodoalu rámmaeavttuide. Dan oktavuođas lea Finánsaministtar addán dieđu ahte ráđđehusas áigu ovddidit evttohusa geardedivada čoavdima birra ja geasusvuoigatvuođa birra sisaboahtti lassiárvodivadis guovttejuvllat meahccefievrruid háhkama, máŧasdoallama ja doaimmaheami oktavuođas 2024 stáhtabušeahtas.