Davvi-Norggas nannejuvvo politiijagearggusvuohta
Preassadieđáhus | Nr: 65 – 2023 | Almmustahtton: 04.08.2023 | Justiisa- ja gearggusvuođadepartemeanta, Ealáhus- ja guolástusdepartemeanta, Ruhtadandepartemeanta
Ráđđehus atná deaŧalažžan nannet dustehusa ja gearggusvuođa riikka davimus guovlluin. Olu jagiid lea leamaš váttis rekrutteret ja doalahit bargiid Finnmárkku politiijaguovllus. Erenoamáš hástaleaddjin lea leamaš rekrutteret sámi studeanttaid. Dan dili háliida ráđđehus njulget, ja áigu danne álggahit Álttás politiijaoahpu pilohtageahččaleapmin.
Disttaga borgemánu 1. beaivvi leigga bellodatjođiheaddji ja ruhtadanministtar
Trygve Slagsvold Vedum (Sp/GB) ja nubbinjođiheaddji ja ealáhusministtar Jan Christian Vestre (Ap/BB) Álttás almmuheame lávdaduvvon ja čoahkkananvuđot politiijaoahpu dohko. Pilohtageahččaleapmi lea oassin ráđđehusa báikkálašpolitiijaplánas, mii almmuhuvvo jagi 2023 mielde.
– Min mielas lea deaŧalaš ahte miehtá Norgga lea buorre politiijagearggusvuohta. Ahte politiijabargit orrot guovllus, speadjalastet álbmoga, ja bures dovdet báikkálaš diliid, hukse lagasvuođa politiijaid ja báikkálaš olbmuid gaskka. Dat hukse maiddái buoret gearggusvuođa ja buoret vejolašvuođaid eastadit rihkolašvuođaid/kriminalitehta. Lea maiddái deaŧalaš ahte mis otná sihkarvuođapolitihkalaš dilálašvuođas lea stabiila ja buorre rekrutteren politiijadoaimmaide Finnmárkkus. Oahppu sáhttá maid geasuhit ohcciid eará guovlluin riikkas, mii maiddái sáhttá leat ávkin guovllu ovdáneapmái, lohká Trygve Slagsvold Vedum (SP/GB).
– Otná sihkarvuođapolitihkalaš dilálašvuođas lea erenoamáš deaŧalaš ahte Finnmárkkus lea stabiila ja buorre rekrutteren politiijadoibmii. Servodaga oadjebasvuohta vuolgá lagasbirrasis ja báikkálaš servodagas. Lea deaŧalaš ahte politiijain lea buorre báikkálaš ipmárdus ja ahte sii leat lahkosis go olbmot sin dárbbašit. Ráđđehus ferte sihkkarastit ahte bálvalusat leat olbmuide olámuttus miehtá riikka ja lávdaduvvon politiijaoahpu pilohtageahččaleapmi Álttás lea oassin ráđđehusa báikkálašpolitiijaplánas, mii almmuhuvvo jagi 2023 mielde. Min davimus guovllut leat ráđđehusa deaŧalaš vuoruheapmin dan oktavuođas. Pilohtageahččaleapmi lea buorre ovdamearkan dasa, lohká ealáhusministtar Jan Christian Vestre.
Pilohtageahččaleapmi
Pilohtageahččaleamis fállo sadji 24 studentii, dat álggahuvvo skuvlajagi 2025/2026 ja studeanttat gerget 2028 giđa.
Nubbi jahki politiijaoahpus čađahuvvo nu go dábálaččat, ja dalle galget studeanttat leat bargohárjehallamis. Bargohárjehallan sáhttá čađahuvvot vaikko guđes Norgga 12 politiijaguovllus, ja studeanttat sáhttet ohcat guđe politiijaguvlui sii háliidit hárjehallamii, nu go juo lea dábálaš. Pilohtageahččaleami studeanttaide geahččalit mii lágidit dili nu ahte besset bargohárjehallamii ovtta dan golmma davimus fylkkas.
Oahpahus čađahuvvo muhtin oahppoásahusa lanjain mat juo gávdnojit Álttás. Oahpu doaimmaha okta dahje eanet Politiijaallaskuvlla iežas oahppobáikkiin.
Sihkkarastit ahte oahpus lea seamma kvalitehta go politiijaoahpus muđui lea, áigu Politiijaallaskuvla oahpu álggaheami rádjái plánet oahpu ja ráhkkanit dasa.
Pilohtageahččaleapmi galgá evaluerejuvvot, ja dan vuođul árvvoštallojuvvo galgá go fálaldat šaddat bistevažžan.