Ohppui váldin

Alit ohppui váldima njuolggadusain leat sihke eavttut, maid vuođul studeanttaid váldet ohppui ja njuolggadusaid, maiguin ohppui dohkálaš studeanttaid bidjet dihto ortnegii, man vuođul sin váldet dasto ohppui.

Oktasaš sisaváldimis (OS) lea ovddasvástádus eanaš Norgga universiteahtaid ja allaskuvllaid ohppui váldimiin. Muhtun ásahusat váldet studeanttaid oahpuide báikkálaččat, nu mo muhtun priváhta allaskuvllat ja allaskuvllat, main leat ohppuiváldingeahččaleamit. 

Oppalaš studerengelbbolašvuohta ja erenoamáš ohppuiváldineavttut

Eanaš oahpuide gáibiduvvo oppalaš studerengelbbolašvuohta (OSG). Joatkkaoahpahusa (Jo) studeremiiráhkkanahtti oahppoprográmmain olaha OSG. Muhtun oahpuide gáibidit oppalaš studerengelbbolašvuođa lassin dihto prográmmafágaid joatkkaskuvllas, ovdamearkka dihte dálkkasdiehtaga ja eará dearvvašvuođafágalaš oahpuide gáibidit matematihka ja eará reálafágaid. Muhtun oahpuide gáibidit dihto gálggaid, dahje ahte ohccit galget ceavzit ohppuiváldingeahččaleames.

Oktasaš sisaváldima neahttasiidduin leat dieđut ohppuiváldima eavttuin, nu maiddái dan universiteahta dahje allaskuvlla neahttasiidduin, mii fállá oahpu.

• Oktasaš sisaváldin

F-luodda (fidnofágalaš luodda alit ohppuid)

Muhtun universiteahta- ja allaskuvlaoahpuide sáhttá ohcat oppalaš studerengelbbolašvuođa dahje ovdakurssa haga. Ohccit, geain ii leat oppalaš studerengelbbolašvuohta, muhto geain lea relevánta fágareive dahje fágaoahppu, sáhttet váldojuvvot ohppui erenoamážit dihto fágaid heivehuvvon oahpuide. Dat guoská erenoamážit inšenevraoahpuide.

Universiteahtat ja allaskuvllat válljejit ieža fálletgo oahpuid ohcciide, geain lea fágareive. Muhtumiidda leat dohkkehan F-luotta eará oahpuid go inšenevrafágain.