Eaktodáhtolašguovddážat

Stáhtalaš juolludemiid birra eaktodáhtolašguovddážiidda

Ráđđehus lea mearridan ođđa láhkanjuolggadusa juolludemiid birra eaktodáhtolašguovddážiidda. Láhkanjuolggadus čilge movt juolludeapmi galgá juogaduvvot.

• Láhkanjuolggadus juolludemiid birra eaktodáhtolašguovddážiidda - Lovdata

Čuovvovaččat leat dan ođđa ortnega muhtun váldočuoggát:

Geat sáhttet ohcat?

Suohkanat ohcet iežaset suohkaniid eaktodáhtolašguovddážiid ovddas.

Buot eaktodáhtolašguovddážat mat leat mielde ohcamis fertejit deavdit láhkanjuolggadusa eavttuid

1. jođihit doaimma láhkanjuolggadusa § 1 ulbmila olis, heivehuvvon báikkálaš eavttuide ja dárbbuide
2. dan galgá eaiggáduššat ja jođihit juogo suohkan, muhtun doaibma Eaktodáhtolašvuođaregistaris, ovttasdoaibmafitnodat mas buot miellahtut leat suohkanat ja/dahje doaimmat Eaktodáhtolašvuođaregistaris, dahje kombinašuvdna dain mat leat namuhuvvon
3. das galgá leat ráđđeaddi orgána mii sáhttá váikkuhit eaktodáhtolašguovddáža doaimma, mas eaktodáhtolašvuohta lea ovddastuvvon
4. galgá leat sierra rehketdoallu ja jahkeraporta
5. galget leat fysalaš lanjat olámuttus
6. galgá leat unnimusat okta jahkedoaibma, dábálaččat okta olmmoš 100 proseantta virggis
7. galgá leat báikkálaš ruhtadeapmi mii dahká unnimusat 40 % eaktodáhtolašguovddáža oppalaš doaibmasisaboađuin
8. atnit sáni «eaktodáhtolašguovddáš» dahje sullasačča eaktodáhtolašguovddáža namas
   
   

Movt sáhtán ohcat?

• Lotteriija- ja vuođđudusbearráigeahčču: Tilskotsordning for frivilligsentralar - Lottstift 

Movt rehkenastojuvvo juolludeapmi?

Stuoradiggi áigu juolludit rámma eaktodáhtolašguovddážiidda kap. 315 boasttas 60 jahkásaš stáhtabušeahtain. Oppalaš rámma juogaduvvo ovttamađe buot eaktodáhtolašguovddážiidda.

Juolludeapmi sirdojuvvo suohkaniidda mat ohcet ja dasto juogaduvvojit daid ovttaskas eaktodáhtolašguovddážiidda.