Biebmodoallu ja biebmu
Artihkal | Maŋimuš ođasmahttojuvvon: 16.08.2024 | Dearvvašvuođa- ja fuolahusdepartemeanta
Biebmodoallopolitihka váldomihttomearri lea oažžut eanebuid čuovvut dearvvašvuođadirektoráhta borramušrávvagiid ja dásset sosiála erohusaid biebmodoalus. Mihttomeriid galgá ollašuhttit buriid biebmodoallo- ja boradandábiid ovddidemiin, biebmodollui guoski buozanvuođaid eastademiin ja fuolahemiin ahte borramušat ja juhkamušat dearvvašvuhtii oadjebasat.
Dearvvašvuođabarggu vuođđun lea Folkehelsemeldinga — Nasjonal strategi for utjamning av sosiale helseforskjellar (Álbmotdearvvašvuođadieđáhus — Nationála strategiija dásset dearvvašvuođaerohusaid) ja lea hábmejuvvon dán vuođul: Helsedirektoratets kostråd (helsedirektoratet.no) (Dearvvašvuođadirektoráhta biebmorávvagat (Helsedirektoratet.no))
Rievdan gáibida surggiidrasttideaddji doaibmabijuid
Vai olaha rievdamiid biebmodoalus, de gáibiduvvo eanet surggiidrasttideaddji áŋgiruššan ja ovttasbargu gaskal almmolaš, priváhta ja eaktodáhtolaš suorggi.
Olu doaibmabijut fertejit doaibmat ovttas olahan dihte buoremus bohtosa, omd. gulahallama ja gelbbolašvuođa bokte ja go láhčit diliid nu ahte galgá leat álki válljet dearvvašlaččat.
Olu etáhtat searvvis biebmodoallobarggus
- Dearvvašvuođadirektoráhta ovddasvástádus lea čuovvut Norgga biebmodoalu ovdáneami, addit dieđalaččat vuođustuvvon rávvagiid biebmodoalu birra álbmogii, almmuhit nationála fágalaš njuolggadusaid dearvvašvuođa- ja fuolahusbálvalussii ja ovttasbargat eará servodatsurggiiguin ovddidan várás buriid borramušdábiid.
- Álbmotdearvvašvuođainstituhta ovddasvástádus lea evalueret doaibmabijuid ja evttohit doaibmabijuid dutkama vuođul.
- Biebmobearráigeahču ovddasvástádus leat borramušsuorgái guoski njuolggadusat, earret eará láhkaásahusat biebmo- ja dearvvašvuođačuoččuhusaid birra ja vitamiinnaid, minerálaid ja eará ávdnasiid bidjama birra borramušgálvvuin.
- Vitenskapskomiteen for mat og miljø (VKM) (Biepmu ja birrasa dieđalávdegoddi) sihkkarastá ahte eiseválddit ožžot sorjjasmeahttun dieđalaš riskaárvvoštallamiid dillin mat leat mávssolaččat oadjebas dearvvašlaš bibmui ja birrasii.