Barns digitale liv

Stortingsmelding om trygg digital oppvekst

Regjeringa arbeider med ein stortingsmelding om barn og unge sin digitale oppvekst. Stortingsmelding om trygg digital oppvekst skal bidra til ein heilskapleg politikk på feltet. Meldinga skal sjå på både moglegheiter og utfordringar knytt til den digitale kvardagen barn og unge lever i.

Skjermbrukutvalet

Regjeringa fekk i november ein rapport fra skjermbrukutvalet om barn og unge sin skjermbruk. Mandatet til ekspertutvalet var å gi meir kunnskap om korleis skjermbruken til barn og unge i barnehage, skule og fritid påverkar helse, livskvalitet, læring og oppvekst. Utvalet kjem i tillegg med ei rekkje råd om skjermbruk til barn og unge og til dei vaksne i laget rundt barnet. Dei kjem også med tilrådingar til styresmaktene og til leverandørar av digitale plattformer.

Gjennomgang av forbrukarvernet til barn

Barne- og familiedepartementet leier ein heilskapleg gjennomgang av forbrukarvernet til barn i digitale medium. Ei arbeidsgruppe går no gjennom regelverk og handheving for å sjå korleis vi kan forsterke forbrukarvernet til barn.