§ 4 - Om tilleggsdel på takflate

Vi viser til din e-post av 21. mai 2024 med spørsmål om seksjonering. Departementet tek ikkje stilling til konkrete saker, men kan på generelt grunnlag foreta tolking av regelverk som vi har ansvar for, blant anna eierseksjonsloven.

Du spør om takflate kan seksjoneres til tilleggsdel. Begrepet "tilleggsdel" er definert i eierseksjonsloven § 4 første ledd bokstav d som "bruksenhetens tilleggsdel: de delene av bruksenheten som ikke er hoveddel". Areal som kan seksjoneres til tilleggsdel er altså negativt definert – det er alle deler av brukseinheiten som ikkje tilhøyrar hovuddelen. Av forarbeida (Prop.39 L (2016–2017) s. 150) følgjer det at:

"[m]est aktuelt er det at boder, garasjer, parkeringsplasser og andre uteareal er tilleggsdeler, men også beboelsesrom (for eksempel et ekstra soverom eller en hybelleilighet i en annen del av bygget) kan være tilleggsdeler til en seksjon».

Dersom ei takflate skal brukas til til dømes parkeringsplass eller takterrasse, ser ikkje departementet nokon grunn til at takflate ikkje kan vere ein tilleggsdel, jf. eierseksjonsloven § 4 første ledd bokstav d. Er det tale om eit ordinært tak som ikkje skal brukas til til dømes opphald, lagring eller parkering, vil det etter departementets syn i utgangspunktet ikkje vere mogleg at taket seksjoneres som tilleggsdel. Departementet viser til at eigarseksjonssameigets tak i utgangspunktet er fellesareal. Sjølv om taket er fellesareal kan det fastsettast i vedtektene at eigarane av bestemte seksjonar skal ha plikt til å holde deler av fellesarealene ved like, jf. eierseksjonsloven § 33 tredje ledd.