Prioriterer forsking og utvikling
Historisk arkiv
Publisert under: Regjeringen Bondevik II
Utgjevar: Landbruks- og matdepartementet
Pressemelding | Dato: 14.10.2005 | Sist oppdatert: 24.10.2006
Regjeringa gjer framlegg om å løyve 326,1 mill. kroner til forskingsaktivitet innan landbruks- og matforskinga for 2006. Dette gir ein vekst i forskingsbudsjettet på om lag sju pst. i høve til budsjettet for 2005. (14.10.2005)
| Alt om Landbruks- og matdepartementets budsjettforlag for 2006 |
Pressemelding
Nr.: 13
Dato: 14.10.2005
Kontaktperson: | Info.sjef. Ottar Løvik tlf. 22249105 mob. 48140477 |
Eksp.sjef. Randi Kogstad tlf. 22249140 mob. 97512376 | |
Dep.råd. Per Harald Grue tlf. 22249108 mob. 97033526 | |
Avd.dir. Siri Bergerøy tlf. 22249124 mob. 41542283 |
Landbruks- og matdepartementets budsjettforslag for 2006:
Prioriterer forsking og utvikling
Regjeringa gjer framlegg om å løyve 326,1 mill. kroner til forskingsaktivitet på landbruks- og matområdet for 2006. Dette gir ein vekst i forskingsbudsjettet på om lag sju pst. i høve til budsjettet for 2005.
I 2006 vil oppstarten av dei tre nye store forskingsprogramma Norsk mat frå sjø og land, Næringsutvikling basert på arealressursane og Treprodukter - frå marknad til skogbruk i stor grad følgje opp sektoren sitt sentrale forskingsbehov. Programma skal dekke heile verdikjeda frå forbrukar til primærproduksjon innan jordbruk, skogbruk og reindrift. Programma er godt tilpassa dei tematiske prioriteringane i den nye forskingsmeldinga.
Departementet vil i 2006 ferdigstille ein ny og overordna strategi som omhandlar sektorens samla FoU-verksemd.
Nord-Amerika
Det blir gjort framlegg om at Landbruks- og
matdepartementet går inn i Forskingsrådets og Innovasjon Noreg sitt
felles program for kommersialisering av FoU-resultat (FORNY) med
fem mill. kroner. Dette skal styrke arbeidet med spreiing og
kommersialisering av forsknings- og utviklingskompetanse frå
landbruks- og matforskingsmiljøa.
Internasjonalt forskingsarbeid vil bli styrka med ein auke på fire mill. kroner til forskingssamarbeid med Nord-Amerika på områda mattryggleik, bioenergi og biobaserte produkt.
Internasjonalt forskingssamarbeid skjer vidare gjennom utforming og deltaking i EUs rammeprogram og gjennom nordisk samarbeid. Næringsmiddelforsking og skogforsking vil bli vektlagt i det nordiske arbeidet.