Regjeringa føreslår ei ramme på 1012 millionar kroner til regional utvikling i 2005, fordelt mellom fylkeskommunane. I 2003 desentraliserte Regjeringa omfattande rammer til fylkeskommunane for å fremje regional utvikling tilpassa føresetnadene i kvar einskild region. Denne reforma blir vidareført.

- Regional- og distriktspolitikken tek utgangspunkt i at ulike delar av landet står overfor ulike utfordringar og har ulike rammevilkår. Det krev kunnskap om regionale og lokale tilhøve når ein skal avgjere bruk av offentlege verkemidel, seier kommunal- og regionalminister Erna Solberg.

Det er ikkje gjort store endringar i fordelinga mellom fylke frå 2004 til 2005. Det er øyremerkt 50 millionar kroner til omstilling i Årdal og Høyanger innanfor ramma til Sogn- og Fjordane, og 5 millionar kroner ekstra i skjønnsmidlar til Nordland for å møte moglege omstillingsutfordringar i Mo i Rana.

Fordelinga blir slik (tal i millionar kroner):

* Oppland si ramme inngår i forsøket Fritt Fram.