Ráđđehus berošta hui ollu das ahte gaskkustit máhtu sámi diliid ja vuoigatvuođaid birra. – Mii áigut ásahit ođđa ortnega gos sámi nuorat ja studeanttat systemáhtalaččat sáhttet leat mielde gilvime dieđuid sámi diliid birra daččá stuoraservodagas, dadjá gielda- ja guovluministtar Erna Solberg.

Dat lea oassin obbalaš diehtojuohkinbarggus maid Gielda- ja guovludepartemeanta ja Sámediggi doaimmahit. Maiddái Álgoálbmotvuoigatvuođaid gelbbolašvuođaguovddáš, mii rahppui čakčamánu 1. beaivvi dán jagi, lea dehálaš ovttasbargoguoibmi.

Gielda- ja guovludepartemeanta áigu dasa bidjat gitta 800 000 ruvnno jagi 2004:s. Jurdda lea almmuhit stipeanddaid nuoraide. Skuvllat sáhttet leat okta dán doaimma ulbmiljoavkkuin.