Dansens Hus blir sikra heilårsdrift gjennom ei løyving på 6 millionar kroner. Dette er ei dobling i forhold til 2004. Dansens Hus skal drivast av Senter for Dansekunst og er mellombels lokalisert i Det Norske Teatret.

- Dans er kanskje den kunstarten som har måtta venta lengst på si eiga scene. Med dette budsjettforslaget synleggjer vi dansen som det viktige kunstfeltet han er, seier kultur- og kyrkjeminister Valgerd Svarstad Haugland.

For å profilera dansen og gjera kunstarten meir synleg i kulturbildet er det i 2005 oppretta ein eigen budsjettpost. Andre tiltak som får støtte under denne posten er Senter for Dansekunst, Oslo Danse Ensemble og Gratis Daglig Trening.

Tiltaka under denne posten fekk tidlegare driftstilskot frå ein ymse-post.