Driftstilskotet til Det Norske Samlaget er foreslått auka med 2 mill. kroner i budsjettet for 2004. Samla blir det dermed løyvd 8,4 mill. kroner til Det Norske Samlaget.

- Dette er det einaste forlaget i landet som gjev ut bøker i alle sjangrar på nynorsk. Nynorske bøker har ikkje stor nok kjøpargruppe til at dette spesialforlaget kan greia seg i marknaden utan statstilskot. Støtte til Samlaget er på same tid støtte til nynorsk språk, litteratur og kultur, seier kultur- og kyrkjeminister Valgerd Svarstad Haugland.

Samlaget står for meir enn 70 prosent av alle nynorskutgjevingar. Auka driftstilskot vil gjera sitt til å betra produksjonsvilkåra for forlaget.