Tok imot Tannhelseutvalet si utgreiing

• NOU 2024: 18. En universell tannhelsetjeneste

Tannhelseutvalet blei oppnemnd 12. august 2022. Utvalet har hatt eit breitt mandat og samansetning. Utvalet har hatt i oppgåve å føreta ei heilskapleg gjennomgang av tannhelsetenesta, inkludert organisering, finansiering og lovverket irekna regulering og rettar.

– Saman med budsjettpartner SV har regjeringa styrka tannhelsetenesta stort, til dømes ved innføringa av eit offentleg tannhelsetilbod til unge vaksne frå 21 til 26 år. For årets budsjett blei ramma til fylkeskommunen styrka med 300 millionar kroner for å gi eit betre tannhelsetilbod til særleg eldre med rett etter tannhelsetenestelova. Men vi treng meir kunnskap om tannhelsetenesta og behova for tannhelsetenester blant folk. Eg er veldig glad for at vi i dag har fått på plass eit viktig kunnskapsgrunnlag, seier Vestre.

– Vi sat ned tannhelseutvalet for å få god kunnskap om korleis vi kan utvikle tannhelsetenesta framover. Eg gleder meg til å ta imot rapporten, sette meg inn i forslaga og fortsette arbeidet med å vidareutvikle velferdstilbodet. Dette er eit kunnskapsgrunnlag som bør vere utgangspunkt for ein brei debatt om retninga utviklinga av tannhelsetenesta skal ta. No blir rapporten sendt på høyring slik at ulike aktørar og organisasjonar kan kome med sine innspel, seier Vestre.