Statsrekneskapen 2023
Pressemelding | Nr: 17/2024 | Dato: 26.04.2024 | Finansdepartementet
Samla vart overskotet i statsbudsjettet og Statens pensjonsfond (SPU) 1 042,5 milliardar kroner. Det går fram av statsrekneskapen for 2023 som vart lagt fram i dag. Den faktiske oljepengebruken vert målt ved overføringa frå Statens pensjonsfond utland for å dekkje det oljekorrigerte underskotet i statsbudsjettet. Statsrekneskapen syner eit oljekorrigert underskot på 290,5 milliardar kroner.
Det oljekorrigerte underskotet i statsrekneskapen for 2023 vart 290,5 milliardar kroner, som er 4,2 milliardar kroner meir enn lagt til grunn i nysaldert budsjett. Det vart i 2023 overført 286,2 milliardar kroner frå SPU for å dekkje det oljekorrigerte underskotet i nysaldert budsjett, og statsbudsjettet før lånetransaksjonar syner dermed òg eit underskot på 4,2 milliardar kroner, jf. tabell 1 nedanfor. Samanlikna med rekneskapen for 2022 går oljepengebruken, målt ved det oljekorrigerte underskotet, opp med 7,7 milliardar kroner.
Inntektene vart i rekneskapen 1,5 milliardar kroner mindre, medan utgiftene vart 2,7 milliardar kroner høgare enn i nysaldert budsjett som vart vedteke i desember 2023. Nedgangen på inntektssida kjem særleg av skattar og avgifter som vart 6,5 milliardar kroner lågare enn lagt til grunn. Andre inntekter auka netto med om lag 5 milliardar kroner. Auken i utgifter fordeler seg på ei rekkje budsjettpostar der den største delen gjeld stønader under folketrygda. Sjå tabell 3 nedanfor for detaljar.
Statens pensjonsfond, slik dette vert presentert saman med statsbudsjettet, syner eit overskot på 1 046,7 milliardar kroner, som er 17,7 milliardar kroner meir enn rekna i nysaldert budsjett. Auken frå nysaldert budsjett kjem av ein nedgang i netto kontantstraum på 8,3 milliardar kroner og ein auke i rente og utbyte i fondet på 26,0 milliardar kroner. Samanlikna med rekneskapen for 2022 minka overskotet i Statens pensjonsfond med 207,9 milliardar kroner.
Kapitalen i Statens pensjonsfond auka med 3 383,4 milliardar kroner i 2023 til 16 115,0 milliardar kroner. Av auken er 3 347,3 milliardar kroner knytt til SPU, medan kapitalen i Statens pensjonsfond Noreg (SPN) auka med 36,1 milliardar kroner. Overskotet i Statens pensjonsfond auka kapitalen med 1 046,7 milliardar kroner. Netto realiserte og urealiserte vinstar / tap auka verdien av fondet med 1 888,1 milliardar kroner, medan svekka kronekurs auka verdien i SPU med 409,4 milliardar kroner. Inntekter frå netto finanstransaksjonar auka fondsverdien med 39,1 milliardar kroner. Ved utgangen av 2023 er bokført verdi av SPU i kapitalrekneskapen 15 760,8 milliardar kroner, medan verdien av SPN er 354,3 milliardar kroner, jf. tabell 2 nedanfor.
Finansdepartementet utarbeider årleg stortingsmelding nr. 3 om statsrekneskapen. Meldinga har ei fast nummerering og vert send Stortinget innan 1. mai. Statsrekneskapen inneheld ein løyvingsrekneskap og ein kapitalrekneskap.
Kapittel 1 gjev ein samla presentasjon av statsrekneskapen og syner budsjettbalansen og samla overskot i statsbudsjettet og Statens pensjonsfond. Statens finansieringsbehov går òg fram. Kapittel 2 syner utviklinga av utgiftene under dei einskilde departementsområda. Kapittel 3 omtaler resultatet og utviklinga i Statens pensjonsfond. Kapittel 4 syner hovudtal i statens balanse (kapitalrekneskapen) med notar til endringar. Kapittelet syner òg statens renteinntekter og -utgifter og statens garantiansvar. Statens løyvingsrekneskap og balanse vert ført etter kontantprinsippet, i samsvar med løyvingsvedtak i Stortinget. Rekneskapen vert kvart år sett opp med ein rekneskapstermin frå 1. januar til 31. desember.
Løyvingsrekneskapen syner utfallet i statsbudsjettet for kvar budsjettpost. Rekneskapsførte utgifter og inntekter, overført løyving frå førre år, samla løyving og overført løyving til neste år går fram, jf. vedlegg 2.1 og 2.2 i meldinga.
Kapitalrekneskapen syner statens finansielle balanse med mellom anna statens kontantbehaldning, Statens pensjonsfond, aksjebehaldning, utlån frå statsbankane og statsgjelda, jf. vedlegg 3.1 i meldinga.
I vedlegg 1-5 i meldinga finst òg fleire tilleggsspesifikasjonar til rekneskapen, mellom anna som følgje av krav i Stortingets løyvingsreglement §13.
Portalen statsregnskapet.no har ei enkel og grafisk framstilling av statens inntekter og utgifter, og gjer det mogleg å samanlikne på tvers av statlege verksemder. Her kan ein òg finne meir detaljerte rekneskapstal.
I samband med publiseringa av statsrekneskapen for 2023, vil Direktoratet for forvaltning og økonomistyring (DFØ) holde eit lynkurs i korleis ein kan nytte statsregnskapet.no. Kurset vert gjennomført som eit gratis webinar 7. mai. Sjå lenke med påmeldingsinformasjon.
|
|
Rekneskap 2022 |
Saldert budsjett 2023 |
Nysaldert budsjett 2023 |
Rekneskap 2023 |
|
|
1. |
Statsbudsjettet |
|
|
|
|
|
A |
Inntekter i alt |
2 668 416 |
2 881 424 |
2 503 868 |
2 494 401 |
|
A.1 |
Inntekter frå petroleumsverksemda |
1 313 601 |
1 412 781 |
1 016 395 |
1 008 461 |
|
A.2 |
Inntekter utanom petroleumsverksemda |
1 354 815 |
1 468 643 |
1 487 473 |
1 485 940 |
|
B |
Utgifter i alt |
1 665 936 |
1 753 819 |
1 803 689 |
1 806 800 |
|
B.1 |
Utgifter til petroleumsverksemda |
28 378 |
28 300 |
30 000 |
30 396 |
|
B.2 |
Utgifter utanom petroleumsverksemda |
1 637 557 |
1 725 519 |
1 773 689 |
1 776 404 |
|
= |
Overskot i statsbudsjettet før overføring til Statens pensjonsfond (A-B) |
1 002 480 |
1 127 604 |
700 178 |
687 601 |
|
- |
Netto kontantstraum frå petroleumsverksemda i statsbudsjettet (A.1-B.1) |
1 285 223 |
1 384 481 |
986 395 |
978 064 |
|
= |
Oljekorrigert overskot i statsbudsjettet (A.2-B.2) |
-282 742 |
-256 877 |
-286 217 |
-290 463 |
|
+ |
Overført frå Statens pensjonsfond utland |
309 875 |
256 877 |
286 217 |
286 217 |
|
= |
Overskot i statsbudsjettet før lånetransaksjonar |
27 133 |
0 |
0 |
-4 246 |
|
2. |
Statens pensjonsfond |
|
|
|
|
|
|
Netto kontantstraum frå petroleumsverksemda i statsbudsjettet (A.1-B.1), vert overført til Statens pensjonsfond utland |
1 285 223 |
1 384 481 |
986 395 |
978 064 |
|
- |
Overført frå Statens pensjonsfond utland til statsbudsjettet |
309 875 |
256 877 |
286 217 |
286 217 |
|
= |
Netto avsett i Statens pensjonsfond utland |
975 348 |
1 127 604 |
700 178 |
691 847 |
|
+ |
Renteinntekter og utbyte i fondet |
279 312 |
287 750 |
328 900 |
354 881 |
|
= |
Overskot i Statens pensjonsfond |
1 254 660 |
1 415 354 |
1 029 078 |
1 046 728 |
|
3. |
Statsbudsjettet og Statens pensjonsfond |
|
|
|
|
|
|
Samla overskot |
1 281 793 |
1 415 354 |
1 029 078 |
1 042 482 |
|
Tabell 2 Statens pensjonsfond 2023 (mrd. kroner) |
Statens pensjonsfond utland |
Statens pensjonsfond Noreg |
Samla |
|
Netto kontantstraum |
978,1 |
978,1 |
|
|
-Overført statsbudsjettet |
286,2 |
286,2 |
|
|
Renter og utbyte |
338,6 |
16,3 |
354,9 |
|
Overskot |
1 030,4 |
16,3 |
1 046,7 |
|
Kapital per 31.12.2022 |
12 413,5 |
318,2 |
12 731,7 |
|
Overskot |
1 030,4 |
16,3 |
1 046,7 |
|
Valutakursregulering |
409,4 |
- |
409,4 |
|
Realiserte/urealiserte vinstar/tap |
1 868,4 |
19,8 |
1 888,1 |
|
Inntekt frå netto finanstransaksjonar |
39,1 |
|
39,1 |
|
Kapital per 31.12.2023 |
15 760,8 |
354,3 |
16 115,0 |
|
Endra verdi, fondskapital |
3 347,3 |
36,1 |
3 383,4 |
|
Tabell 3 Endring i det oljekorrigerte underskotet 2023 (mrd. kroner) |
Frå nysaldert budsjett til rekneskap |
|
Auke i det oljekorrigerte underskotet |
4,2 |
|
Netto inntektsendringar |
-1,5 |
Av dette: |
|
|
Skattar og avgifter |
-6,5 |
|
Renteinntekter og utbyte utan Equinor ASA |
2,0 |
|
Inntekter frå forvaltningsverksemdene |
0,3 |
|
Meirinntekter som heimlar meirutgifter |
2,3 |
|
Andre inntekter |
0,3 |
|
Netto utgiftsendringar |
2,7 |
Av dette: |
|
|
Folketrygda, inkludert dagpengar, kap. 2530-2790 |
2,3 |
|
Renteutgifter, statsgjeld, kap. 1650, post 89 |
0,3 |
|
Momskomp. kommunar, fylkeskommunar og frivillige, kap. 1632 |
-0,1 |
|
Straumstøtte, hushaldningar, kap. 1820 |
0,9 |
|
Kjøp av materiell m.m. under forsvaret, kap. 1760 |
1,3 |
|
Tilskot, Statens pensjonskasse, kap. 0612 |
-1,2 |
|
Rammetilskot kommunar/fylkeskommunar, kap. 0571/0572 |
-1,1 |
|
Omsorgstenester kap. 0761 |
1,0 |
|
Militær støtte til Ukraina. Kap. 1700 |
-0,8 |
|
CO2 handtering, kap. 1850 |
-0,8 |
|
Forsvarets drift, kap. 1720 |
0,7 |
|
Andre netto endringar, medrekna utgifter heimla i meirinntekter |
0,1 |