Markering av fredinga av Henningsvær kulturmiljø

Nyheit | Dato: 30.11.2022 | Klima- og miljødepartementet

Dette innhaldet er meir enn 1 år gammalt.

Statssekretær Aleksander Øren Heen deltek på den offisielle markeringa av fredinga av Henningsvær kulturmiljø laurdag 3. desember i Henningsvær.

Henningsvær kulturmiljø i Vågan kommune vart freda av Kongen i statsråd 14. oktober 2022. Statssekretær Heen deltek på den offisielle markeringa av fredinga. Heen vil overrekke plakett til kommunen. Det vil vere ei fiskeværvandring i kulturmiljøet før talar m.m. i Festiviteten i Henningsvær.

kulturmiljø henningsvær — Fredinga skal oppretthalde og vidareutvikle Henningsvær som ein levande stad med bustader, fiske, handel og anna næring. Det er lagt vekt på å balansere omsynet til vern og utvikling i fredinga Foto: Trond Isaksen

Program for dagen (med atterhald om endringar)

Kl. 12:00–ca.12:45 Fiskeværvandring v/ næringsdrivande Cecilie Haaland og lokalhistorikar Alf Per Johansen. Oppmøte på Torget i Henningsvær.

Kl. 12:45–15:00: Offisiell markering i Festiviteten.

Riksantikvar Hanna Geiran er konferansier for markeringa.

Det vert taler frå:

Aleksander Øren Heen, statssekretær i Klima- og miljødepartementet. Heen vil òg overrekke plakett til Vågan kommune
Frank Johnsen, ordførar, Vågan kommune
Odd Henriksen, fylkesdirektør for samfunnsutvikling i Nordland fylkeskommune
Henningsvær innbyggjarforeining
Hanna Geiran, riksantikvar

Lokalhistorikar Alf Per Johansen vil holde ein kort presentasjon (med bilete) av Henningsvær si historie.

Det blir enkel servering etter talane.

Markeringa er eit samarbeid mellom Klima- og miljødepartementet, Vågan kommune, Nordland fylkeskommune, Riksantikvaren og Førjulseventyret.

Arrangementet er opent for alle interesserte.

Du kan lese mer om fredinga her.

ENDRING: Følgande endringar er gjort i programmet etter at denne meldinga fyrst vart publisert: Fylkesråd Christian Torset har meldt forfall, og i staden held fylkesdirektør Odd Henriksen tale. Signeringa mellom ordførar og fylkesråd går ut. Endringane vart gjort 01.12.2022, kl 1810.