Auka løyvingar til kommunane, men òg auka kostnadar

- Det er svært gledeleg at mange har kome i arbeid og at mange bedriftene går godt etter pandemien, men situasjonen i norsk økonomi skapar òg utfordringar. Prisane stig raskt og rentene aukar. Den økonomiske situasjonen påverkar både hushaldingar, næringsliv og det offentlege Noreg. Kommunesektoren er ikkje noko unntak, seier kommunal- og distriktsminister Sigbjørn Gjelsvik (Sp).

Veksten i dei frie inntektene på 2,6 milliardar er større enn kva som vart signalisert i kommuneproposisjonen frå mai. Samstundes har dei berekna kostnadene til demografi auka frå 1,4 til 2,6 milliardar kroner.

Etter nokre år med høgare skatteinngang enn venta har mange kommunar bygd seg opp større disposisjonsfond. Ikkje minst vart 2021 vesentleg betre enn venta, gjennom uventa høg skatteinngang mot slutten av året. Dette gir mange kommunar ein solid buffer i møte med tøffare økonomiske tider.

− Vi prioriterer kommunane, men også kommunane vil merke at det er eit stramt budsjett. Kommunane er samla sett godt rusta til å handtere utfordringane og fortsette å gje innbyggjarane gode tenester. Samstundes er det stor variasjon mellom kommunane og for nokre kommunar vil det kunne verte meir krevjande enn for andre, seier kommunal- og distriktsminister Sigbjørn Gjelsvik.

Fylkesvis oversikt

• 2,06 milliardar kroner meir i frie inntekter til Vestland neste år
• 1,16 milliardar kroner meir i frie inntekter til Vestfold og Telemark neste år
• 1,40 milliardar kroner meir i frie inntekter til Trøndelag neste år
• 862 millionar kroner meir i frie inntekter til Troms og Finnmark neste år
• 1,55 milliarder kroner meir i frie inntekter til Rogaland neste år
• 1,65 milliardar kroner meir i frie inntekter til Oslo neste år
• 822 millionar kroner meir i frie inntekter til Nordland neste år
• 907 millionar kroner meir i frie inntekter til Møre og Romsdal neste år
• 1,06 milliardar kroner meir i frie inntekter til Innlandet neste år
• 3,59 milliardar kroner meir i frie inntekter til Viken neste år
• 952 millionar kroner meir i frie inntekter til Agder neste år

Kommunal- og distriktsdepartementet sin pressetelefon: 22 24 25 00

E-post til kommunikasjonseininga: ke@kdd.dep.no